ஒரு ஆறேழு மாசமா பலரும் எழுதின ப்ளாக்குகளை படிச்சு, ஆராஞ்சு பாத்ததன் விளைவா, யோசிச்சு பாத்து, நானும் ப்ளாக்கர் ஆகிடறதுன்னு முடிவு பண்ணிட்டேன்!! தமிழ் ப்ளாக்குலகம் பெற்ற பேறு!! தமிழ் ப்ளாக்கர்களின் பாக்கியம்!! (அதாரது பாக்கியம்னு கேக்கப்படாது)
ஆனா யாரும் கவலப்படாதீங்கோ, அங்க ஓட்டு போடு, இங்க ஒரு குத்து குத்துன்னெல்லாம் யாரையும் இப்பத்திக்கு கேக்க மாட்டேன்!! ஏன்னா நானே இதுவரைக்கும் யாருக்கும் ஓட்டுப் போட்டதில்ல!! யாரையும் குத்துனதில்ல!!
அதனால மக்களே, வாங்கோ, வாசிங்கோ, முடிஞ்சா கருத்து (மட்டும்) சொல்லுங்கோ! இப்போதைக்கு நான் க்ளாஸுக்கு வந்த புதுப்புள்ளங்கறதால, ராகிங் பண்ணாம, எப்படி என் ப்ளாக், இன்னும் என்னென்ன பண்னலாம்னு மட்டும் சொல்லுங்கோ!!
என்னப்பத்தி சின்ன அறிமுகம்: நான் இப்பத்திக்கு குடும்பத்தோட அபுதாபியில இருக்கேன். குடும்பம்னா புருசன், பொண்டாட்டி, புள்ளக்குட்டிதான்னு உங்களுக்கெல்லாம் தெரியும். அம்மா, அப்பா, தம்பி, தங்கச்சியெல்லாம் "எக்ஸ்டன்டட் ஃபேமிலி"யிலதானே வரும்!! சரிதானே? நான் என் வூட்டுக்கார், 2 புள்ளங்களோட இருக்கேன். என் மூத்த புள்ள பேரு ஹுஸைன்; அதனால நான் ஹுஸைனம்மா. பேர்க்காரணம் புரிஞ்சுதா?
மத்ததெல்லாம் அப்புறமா...
இப்படிக்கு,
ஹுஸைனம்மா
|
|
Tweet | |||
